唯一一間小記會食既泰國菜@@

泰國菜一向令小記又愛又恨，愛佢既咖哩香，愛佢既生蝦甜。恨佢次次肚痛(小記腸胃吾好)，恨佢大大碟但細細份。價錢又吾係平…更討厭係每次水準都吾穩定。非必要，我絕對吾會主動去幫襯泰國野，MINT係唯一例外。

第一次去MINT係朋友介紹，心唸『元朗邊有好食既泰國野嫁？！好極有限！』一行人來到元朗劇院附近，對出是一大片空地，三數愛狗之人正和愛犬耍樂。MINT正正座落在空地的正前方，配合別緻的燈光，令人有置身在赤柱海邊的感覺，多左幾分好感。

點左幾個款式，十幾分鐘就有得食，第一眼在碟邊既擺設上；『咁有心機？』再試味，有酒店水準，食材新鮮，香料份量岩岩好，吾會搶走食材的味道。生蝦刺身放入口重可以食到啖啖的海水味。加埋冰凍原枝泰啤，合格！！

食左一陣老闆埋來同我地傾計，請教下原來大部份香料都是自家種植既。由香料苗引入，有機種植到送番餐廳上枱全部由老闆一手包辦。更甚連生蝦到海鮮肉類都是朝早親自去菜市場入貨。老闆對店舖的要求同執著，難怪有別一般泰國菜。老闆話，選址而家的店面，原全係為左打就一個氣氛去配合餐廳。店鋪入面吾會見到掛住明星合照或者大編報導。或者就係因為老闆的執著，口碑慢慢咁建立。我向幾位吾同既朋友都聽過MINT。老闆的執著，沒有白費！MINT會定期創作新款既菜式，亦會免費幫生日既朋友粉飾蛋糕。飯局尾聲，食完生果(間中贈送)。第一次滿意咁食完一餐泰國菜，心服口服。

PS: 消費滿300元可以在附近的中信停車場免費泊車2小時,人數多的話可以先訂枱,老闆會親自幫你地買料,保証新鮮!!

地址: 元朗安康路怡康大廈地下12-13號鋪
營業時間: 12:00p.m~3:00p.m and 6:00p.m~11:00p.m. (星期一至星期日)
電話: 24755872

DAVID仔報導